簡單。鮮茄墨汁花甲炒長通粉
準備小B返通宵嘅宵夜，係我煮食嘅動力來源！要煮得健康D, 容易翻熱的菜色就最好！今晚想到用花甲，鮮魷仔，金不換，車厘茄及長通粉！全程不用加任何調味料，就食材本身的鮮甜已經足夠！煮後我食咗一碗試試味道，發覺長通粉吸收了車厘茄，花甲，鮮魷的鮮與甜，令味道清新怡人，小B食飽後又可以充滿力量去工作！
總結今次經驗，下次會先用蒜頭爆香鮮魷，就剩起！用留下的水去煮花甲，再下茄醬及番茄煮沸，才下通粉，最後將鮮魷回鑊炒匀即成！
材料：(4-5人份量)
1。花甲兩斤(浸鹽水吐沙)
2。長通粉半包(買有紋的)(油鹽水汆水)
3。鮮魷魚仔約一斤，可留墨汁或只用魷魚肉！
4。車厘茄，約大半磅，一開四！
5。白酒，半碗！
6。蒜頭，全個切粒！
7。金不換，約一碗葉切碎！
8。茄膏或茄醬，四湯匙！
Search